Zadrugari su popodne od Velikog šefa za zadatak dobili da igraju igricu, a podijelili su se u nekoliko grupa. Grupa u kojoj je Kija Kockar bila dobila je nagradu, i to ono što je zadrugarima donekle najvažnije – hranu! Kija je dobila pljeskavicu, a kada je pojela pola, preostalu polovinu odnijela je svom mužu Slobi Radanoviću. Kada mu je prišla Kija ga je pitala da li želi, a on je prokomentarisao:
– Da su htjeli dali bi i nama.
Međutim, Kija mu je ponudila svoju polovinu.
– Evo ti, ima i kečapa – rekla je.
Sloba je uzeo, a čim je Kija otišla pitao je Lunu da li želi.
– Neću – odbrusila je.
– Uzmi… – rekao joj je.
– Ma neću! Nisam gladna, a i ne bih uzela ništa od nje! – vidno ljutito rekla je Đoganijeva.
Sloba je nakon toga sam pojeo polovinu pljeskavice…
Kija ovo nije čula pošto se vratila u Pab, gdje je nastavila da pjevuši Slobine pjesme, što je dobila kao tajni zadatak od Drveta mudrosti, prethodne noći.
